8-வது ஊதியக் குழு -அதிகாரிகள் நியமனம் -18 மாதங்களில் பரிந்துரை
Details
8-வது ஊதியக் குழு நியமனம்: பிரதமர் மோடி தலைமையிலான மத்திய அமைச்சரவை 8-வது ஊதியக் குழுவின் தலைவர், உறுப்பினர்கள் மற்றும் உறுப்பினர் செயலர் நியமனத்துக்கு ஒப்புதல் அளித்துள்ளது.
அதிகாரிகள் நியமனம்:
தலைவர்: உச்ச நீதிமன்ற முன்னாள் நீதிபதி ரஞ்சனா பிரகாஷ் தேசாய்
உறுப்பினர்: பெங்களூரு பேராசிரியர் புலக் கோஷ்
உறுப்பினர் செயலர்: பங்கஜ் ஜெயின்
குழுவின் பணிகள்: 50 லட்சம் மத்திய அரசு ஊழியர்களின் ஊதியத் திருத்தம் மற்றும் 69 லட்சம் ஓய்வூதியதாரர்களின் சலுகைகளில் திருத்தம் செய்வது குறித்து இக்குழு ஆய்வு செய்து பரிந்துரை அளிக்கும்.
காலக்கெடு: இக்குழு 18 மாதங்களில் தனது பரிந்துரைகளை மத்திய அரசிடம் சமர்ப்பிக்கும்.
முந்தைய ஊதியக் குழு: 7-வது ஊதியக் குழு 2014 பிப்ரவரியில் அமைக்கப்பட்டு, அதன் பரிந்துரைகள் 2016 ஜனவரி 1-ம் தேதி அமல்படுத்தப்பட்டன.
அமலாக்கம்:
8-வது ஊதியக் குழுவின் பரிந்துரைகள் 2026 ஜனவரி 1-ம் தேதி முதல் அமல்படுத்தப்பட வேண்டும்.
ஒருவேளை குழு தனது பரிந்துரைகளை 2027 முதல் காலாண்டில் வழங்கினால், 2028 முதல் காலாண்டுக்குள் அமலுக்கு வரும்.
எனினும், 2026 ஜனவரி 1-ம் தேதியிட்டு ஊதிய திருத்தங்கள் அமல்படுத்தப்பட்டு, நிலுவைத் தொகையை மத்திய அரசு ஊழியர்கள், ஓய்வூதியதாரர்கள் பெறுவார்கள்.
அகவிலைப் படி: பணவீக்கத்துக்கு ஏற்ப மத்திய அரசு ஊழியர்களுக்கு 6 மாதத்துக்கு ஒரு முறை அகவிலைப் படி (டிஏ) மாற்றி அமைக்கப்படுவது குறிப்பிடத்தக்கது.
